Angen Gwneuthurwyr Ffilm!
Mae'n mynd yn anoddach ac anoddach i gael swydd y dyddiau hyn, felly bydd unrhyw lwybr i yrfa newydd yn cael ei groesawu, yn enwedig yn y sector celfyddydau creadigol. Dyna pam dylech agor eich breichiau a chofleidio'r cyfle gwych yma.
Mae'r 'Hurtwood Prize for Young Filmmakers' yn wobr newydd sydd wedi ei sefydlu eleni, ond y gobaith ydyw y bydd yn rhedeg pob blwyddyn. Maent yn cynnig cyfle i unrhyw un rhwng 16 a 21 mlwydd oed i ffilmio fideo cerddoriaeth swyddogol i un o bedwar band; The Maccabees, Spector, Lawson neu Totally Enormous Extinct Dinosaurs (T.E.E.D).
I gyd sydd angen i chi wneud yw anfon eich fideo i mewn, a bydd panel beirniadu o arbenigwyr y diwydiant yn dewis pwy fydd yn y deg olaf. Bydd y deg olaf yn cael eu gwahodd i gwrs gynhyrchu ffilm deuddydd dwys yn Hurtwood House lle fydd yna gyfres o heriau i gymryd rhan ynddynt.
Ar gyfer eich fideo, dylech ddewis un o'r pedwar band, yn ddelfrydol y band sy'n eich ysbrydoli'r mwyaf.
Nesaf, bydd angen cael gafael ar gamera. Nid oes angen iddi fod yn ddrud neu'n ffansi; bydd camera ar ffon symudol yn ddigon dda [nodyn i'r is-olygydd: Mae'r gan y mwyafrif o grwpiau golygu camerâu fideo, siaradwch a'ch golygydd lleol os oes angen benthyg un - os nad ydych yn sicr pwy yw eich golygydd lleol, gadewch neges isod]
Ffilmiwch eich fideo a'i rhoi at ei gilydd, yna cyflwynwch eich fideo trwy'r sianel YouTube.
Gallwch ddod o hyd i fwy o wybodaeth ddefnyddiol ac awgrymiadau ar y sianel YouTube yngl?n â ffilmio, gwallt a cholur a golygu, a hefyd i lwytho'r telerau ac amodau (ffeil .pdf) a byddai'n annog i bobl gwylio'r sesiynau tiwtorial. Byddent yn eich helpu. Gellir dod i hyd i unrhyw ffurflen mynediad yna hefyd.
Y dyddiad cau am gyflwyno eich gwaith yw'r 6ed Awst, felly ewch allan a ffilmio! Pob lwc a chofiwch gael hwyl.
